“Mən bu addımı ölkəmizdən gözləməzdim” - Gürcü politoloq

“Fransanın Gürcüstan üzərindən Ermənistana silah göndərməsi sadəcə biabırçılıqdır. Mən bu addımı Gürcüstandan gözləməzdim”.

Bizim.Media report.az-a istinadən xəbər verir ki, bu fikirləri gürcü politoloq Simon Kapadze bildirib.

S.Kapadze deyib ki, Gürcüstan hakimiyyətinin bu addımı gözlənilməz olub: "Bu addımın arxasında nəyin dayandığını bilmirəm. Niyə məhz indi? Gürcüstanın sülh müqaviləsinin imzalanması üçün çalışdığı zamanda bunun baş verməsi ağlasızmazdır”.

Politoloqun sözlərinə görə, Gürcüstanın Azərbaycanla yaxın əlaqələrini sual altına qoymaq sadəcə ağılsızlıqdır:

“Gürcüstan tərəfinin lehinə hansısa söz demək, onun tərəfini tutmaq mənasız olar. Gürcüstan vətəndaşı olaraq mən sadəcə Azərbaycandan üzr istəyə bilərəm”.

Bizim.Media