İDDİA: Aleksandr Duqinin qızını Ukrayna Təhlükəsizlik Xidməti qətlə yetirib

Hazırda oxunan: İDDİA: Aleksandr Duqinin qızını Ukrayna Təhlükəsizlik Xidməti qətlə yetirib

161154

“Rus dünyası”nın ideoloqu Aleksandr Duqinin qızı Darya Ukrayna Təhlükəsizlik Xidməti (UTX) tərəfindən qətlə yetirilib.

Bizim.Media xəbər verir ki, bu iddianı "The Washington Post" qəzeti mənbələrə istinadən yayıb.

Nəşr yazır ki, onlar bombanın komponentlərini ana və 12 yaşlı qızının olduğu avtomobildə pişik qəfəsində gizlədərək sərhəddən keçirməyə nail olublar.

Bildirilir ki, UTX bu və digər əməliyyatlara təxminən 10 il Krımın ilhaqından sonra Mərkəzi Kəşfiyyat İdarəsi ilə sıx əməkdaşlıq şəraitində hazırlaşıb.

Guya Birləşmiş Ştatlar bunun üçün on milyonlarla dollar xərcləyib. Eyni zamanda Ukraynanı qabaqcıl müşahidə sistemləri ilə təmin edib, Ukrayna və ABŞ-dakı obyektlərdə yeni çağırışçılara təlim keçib, Ukrayna hərbi kəşfiyyatı üçün yeni qərargahlar tikib və böyük miqdarda kəşfiyyat məlumatları təqdim edib.
Qəzet qeyd edir ki, Rusiyanın hərbi jurnalisti Vladlen Tatarskinin partladılmasında da UTX iştirak edib.

Bizim.Media