“Vaqner”in rəhbəri Yevgeni Priqojin Moskvadan geri çəkildiyini və döyüş mövqelərinə qayıtdığını elan edib.
Bizim.Media xəbər verir ki, teleqram kanallarında bununla bağlı səs yazısı yayılıb.
“Biz Moskvaya çatmağa 200 km məsafəyə qədər gəldik və bir əsgərimizin belə qanı axmadı. Amma bundan sonra qan töküləcək. Biz isə bunu istəmirik. Danışıqlar oldu. Plana uyğun olaraq kolonnalarımızı geri çəkərək səhra düşərgələrinə yola düşürük”, - deyə o qeyd edib.
Qeyd edək ki, Belarus Prezidenti laksandr Lukaşenko Rusiya prezidenti Vladimir Putinlə razılaşaraq “Vaqner”in rəhbəri Yevgeni Priqojinlə danışıqlar aparıb.
Priqojin Lukaşenkonun Rusiyada hərbi qiyamı dayandırmaq və gərginliyi azaltmaq üçün əlavə addımlar atmaq təklifini qəbul edib.
Bizim.Media
