\"Vaqner\" bölmələri Moskvaya doğru hərəkət edir – VİDEO

Hazırda oxunan: \"Vaqner\" bölmələri Moskvaya doğru hərəkət edir – VİDEO

143107

Rusiya təhlükəsizlik qüvvələri Moskvada nəzarət-buraxılış məntəqələri və müdafiə mövqeləri qurmağa başlayıb.

Bizim.Media xəbər verir ki, bu barədə Rusiya teleqram kanalları məlumat yayıb.

Bildirilib ki, artıq "Vaqner" bölmələri Voronej vilayətindən Rusiyanın paytaxtı Moskvaya doğru hərəkət edir.

Məlumatı Voronej rəhbərliyi də təsdiq edib.

Qeyd edək ki, ''Vaqner'' hərbi təşkilatı gecə saatlarında Ukraynadakı mövqelərini tərk edərək Rusiya ərazisinə daxil olub. Təşkilatın rəhbəri Yevgeniy Priqojin bu addıma səbəb kimi ''Vaqner''in düşərgələrinə raket hücumunun həyata keçirilməsini göstərib. Priqojin hücumun

Rusiya MN-nin bölmələri tərəfindən edildiyini yazıb. Rusiya MN isə bu iddianı təkzib edib.

Rusiya Baş Prokurorluğu tərəfindən Priqojinə silahlı üsyana təhrik maddəsi ilə cinayət işi açılıb. Bu gün səhər saatlarında isə Rostov şəhəri və Cənub Hərbi Dairəsi Qərargahı “vaqnerçi”lər tərəfindən ələ keçirilib.

Bizim.Media