Voronejdə antiterror əməliyyat rejimi ELAN EDİLDİ  

Rusiyanın Voronej şəhərində antiterror əməliyyat rejimi tətbiq edilib. 

Bizim.Media xəbər verir ki, bu barədə Rusiya Milli Antiterror Komitəsi məlumat yayıb. 

Bildirilib ki, antiterror əməliyyat rejimi ilə əlaqədar xüsusi əməliyyat qərargahı yaradılıb və ictimaiyyətə əlavə məlumatlar veriləcək. 

Rusiya mətbuatında yayılan digər məlumatlara görə, Moskvadan və ölkənin digər şəhərlərindən Rusiyanın cənub istiqamətinə olan rayonlararası avtobusların hərəkəti ləğv edilib. 

Qeyd edək ki, ''Vaqner'' hərbi təşkilatı gecə saatlarında Ukraynadakı mövqelərini tərk edərək Rusiya ərazisinə daxil olub. Təşkilatın rəhbəri Yevgeni Priqojin bu addıma səbəb kimi ''Vaqner''in düşərgələrinə raket hücumunun həyata keçirilməsini göstərib. Priqojin hücumun Rusiya MN-nin bölmələri tərəfindən edildiyini yazıb. Rusiya MN isə bu iddianı təkzib edib.

Rusiya Baş Prokurorluğu tərəfindən Priqojinə silahlı üsyana təhrik maddəsi ilə cinayət işi açılıb.

Bu gün səhər saatlarında isə Rostov şəhəri və Cənub Hərbi Dairəsi Qərargahı “vaqnerçi”lər tərəfindən ələ keçirilib. 

Bizim.Media