Ukrayna müdafiəçiləri Baxmut şəhəri istiqamətində döyüşlər nəticəsində əsir düşən 106 ukraynalı hərbçini mübadilə ilə azad ediblər.
Bizim.Media “RBK-Ukraina”ya istinadən xəbər verir ki, bu barədə Ukrayna Prezidenti Ofisinin rəhbəri Andrey Yermak bildirib.
Onun sözlərinə görə, azad edilənlərdən 8-i zabit, 98-i çavuş və əsgərdir: "Onlar Baxmut istiqamətində vuruşublar. Ölkəmizin şərqinə doğru düşmənin irəliləməsinə imkan verməyərək böyük şücaət göstəriblər”.
A.Yermak deyib ki, əsirlikdən qayıdanlar arasında 68 nəfər itkin düşmüş sayılırmış: “Əsirlikdən azad olunan hərbçilərin ən yaşlısının 59, ən kiçiyinin 21 yaşı var”.
Bizim.Media
