Kosmosda güclü partlayış baş verib – SƏBƏBİ İSƏ AÇIQLANMIR 

Kosmik fəzada bugünə qədər görülməmiş ən böyük partlayış aşkar olunub. 

Bizim.Media xəbər verir ki, alimlər partlayışın harada və niyə baş verdiyini dəqiq bilmədiklərini deyirlər.  

Bununla belə, parlaq partlayışın 3 ildən çox davam etdiyi və təxminən 8 milyard işıq ili uzaqlıqda baş verdiyi güman olunur. 

Hazırda astronomlar püskürmənin səbəblərini araşdırırlar, lakin hələ də dəqiq səbəbini tapa bilməyiblər. Belə ehtimal edilir ki, partlayış qara dəliyin parçaladığı böyük qaz buludu ola bilər. 

“AT2021lwx” kimi tanınan partlayışın kainatın təxminən altı milyard il yaşı olduğu zaman baş verdiyi və hələ də teleskoplar şəbəkəsi tərəfindən izləndiyi güman edilir. 

Southampton Universitetinin astronomları isə partlayışın günəşdən minlərlə dəfə böyük olan və superkütləvi qara dəlik tərəfindən şiddətlə təhrif olunmuş nəhəng qaz buludunun nəticəsində baş verdiyinə inanırlar. 
Tədqiqatçıların dediyinə görə, belə hadisələr nadir hallarda baş verir və onlar daha əvvəl heç vaxt bu miqyasda partlayış görməmişlər. 

Xatırladaq ki, ötən il astronomlar “GRB 221009A” kimi tanınan başqa bir partlayışın şahidi olublar və ən parlaq partlayış kimi qeydə alınıb. 

“AT2021lwx” ilk dəfə 2020-ci ildə Kaliforniyadakı “Zwicky Transient Facility”, daha sonra Havayda yerləşən “Asteroid Terrestrial Pulse Final Warning System” (ATLAS) tərəfindən aşkar edilib. 

Rövşən Ziya, Bizim.Media