Moldovada dövlət dili DƏYİŞİR – Bəzi deputatlar isə ETİRAZ EDİR 

Moldova parlamentinin komissiyaları “Moldova dili”nin “rumın dili”nə dəyişdirilməsini nəzərdə tutan qanun layihəsini təsdiqləyib.

Bizim.Media xarici KİV-ə istinadən xəbər verir ki, qanun layihəsi parlamentin plenar iclasının müzakirəsinə çıxarılana qədər onu müzakirə edən bütün komissiyalarda səs çoxluğu ilə təsdiq edilib.

Layihənin müəlliflərindən biri, hakim Fəaliyyət və Həmrəylik (PAS) partiyasından olan deputat Petru Frunze jurnalistlərə bildirib ki, bütün milli qanunlarda“Moldova dili” ifadəsinin “rumın dili” ilə əvəz edilməsi barədə sənəd Konstitusiya Məhkəməsinə yönləndirilib.
Deputat qeyd edib ki, Kommunistlər və Sosialistlər Blokunun deputatları, o cümlədən kommunistlərin lideri Vladimir Voronin bu təşəbbüsə etiraz etməyə çalışıblar.

Bizim.Media