Lukaşenko: “Ukrayna sülh danışıqlarından imtina etsə, tamamilə məhv olacaq” – VİDEO

Hazırda oxunan: Lukaşenko: “Ukrayna sülh danışıqlarından imtina etsə, tamamilə məhv olacaq” – VİDEO

106054

Belarus prezidenti Aleksandr Lukaşenko Kiyevin sülh danışıqlarından imtina edəcəyi təqdirdə bir dövlət kimi tamamilə məhv olacağını proqnozlaşdırıb.

Bizim.Media “Pul pervoqo” nəşrinə istinadən xəbər verir ki, bu barədə o, jurnalistlərə açıqlamasında danışıb.

“Hər şey Ukraynanın əlindədir. Yox, ona görə yox ki, mən bu mövzunu Zelenskiyə və ya Ukraynaya çatdırmaq istəyirəm. Əgər onlar çoxlu sayda insanların ölməsini istəmirlərsə, dayanmalıdırlar. Əks halda Ukrayna tamamilə məhv olacaq”, - deyə Lukaşenko bildirib.
O, Böyük Vətən Müharibəsi zamanı 30 milyon insanın həlak olduğunu da xatırladıb:

“Bu gün bunu kim xatırlayır? Yalnız Belarus və Rusiyada, başqa heç yerdə. Yəni yaralar sağalıb”.

Bundan əvvəl Lukaşenko hər kəsi Ukraynada axan qanı dayandırmağa və sülh danışıqlarına başlamağa çağırıb. O, ölkədə baş verənləri güclənən tornado ilə müqayisə edib.

Bizim.Media