“Azərkosmos” ASC-nin keçmiş sədri Rəşad Nəbiyevin yerinə müvəqqəti təyinat olub.
Bizim.Media-nın əldə etdiyi məlumata görə, quruma sədr müavini Rövşən Rüstəmov rəhbərliq edəcək.
MÖVZU İLƏ BAĞLI:
Yeni Nəqliyyat, Rabitə və Yüksək Texnologiyalar naziri kimdir? - DOSYE
Qeyd edək ki, R.Rüstəmov 2003-cü ildə Prezident yanında Dövlət İdarəçilik Akademiyasında “İqtisadiyyatın hüquqi tənzimlənməsi” ixtisası üzrə magistr dərəcəsi alıb, 2009-cu ildən iqtisadiyyat üzrə fəlsəfə doktorudur.
R.Rüstəmov əmək fəaliyyətinə 2002-ci ildə iqtisadiyyat sahəsi üzrə jurnalist kimi başlayıb, 2004-2012-ci illərdə Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-də Əməliyyatlar şöbəsinin rəisi, Biznesin inkişafı şöbəsinin rəis müavini, 2012-2014-cü illərdə “Azərkosmos”da korporativ idarəetmə üzrə menecer, 2014-cü ildən bu günə qədər isə qurumun sədr müavini işləyib.
Bizim.Media
