Azərbaycan NASA HERC 2023-də təmsil olunacaq - FOTO

Hazırda oxunan: Azərbaycan NASA HERC 2023-də təmsil olunacaq - FOTO

98577

Bakı Ali Neft Məktəbinin (BANM) komandası növbəti dəfə Azərbaycanı "NASA Human Exploration Rover Challenge" (NASA HERC 2023) müsabiqəsində təmsil etmək hüququ qazanıb.

Bizim.Media xəbər verir ki, ümumilikdə 15 nəfərdən ibarət BANM-in ULVI komandası seçim turunu uğurla yekunlaşdırıb.

ULVI komandasında təmsil olunurlar:

Aygül Musayeva (komanda məsləhətçisi), Nihad Həbizadə (komanda lideri), Cavid İsayev, Anar Alızadə, Şəmistan Lətifov, Çingiz Məmmədov, Turan Səfərova, Fərid Qəhrəmanov, Leyla Osmanova, Əli İbrahimov, Ağa Qurbanov, Rüstəm Qarayev, Nigar Abdullayeva, Aysu İsmayılova, Elmir Hacızadə.

Müsabiqədə Azərbaycanla yanaşı, ABŞ, Kanada, Sinqapur, Braziliya, Meksika, Dominikan Respublikası, Peru, Kolumbiya, Puerto-Riko, Hindistan və Boliviya kimi ölkələrdən ümumilikdə 61 komanda iştirak edəcək. BANM-in komandası yarışda Azərbaycanı təmsil edən yeganə komandadır.
Qeyd edək ki, “NASA Human Exploration Rover Challenge” hər il orta məktəb şagirdləri və universitet tələbələri üçün simulyasiya edilmiş Ay və Mars ərazisi üzərində insan gücü ilə işləyən, qatlana bilən nəqliyyat vasitələrinin dizaynı, qurulması və yarışının cəmləndiyi bir müsabiqədir.

Ötən il də BANM tələbələri NASA HERC tarixində ilk dəfə Azərbaycanı finalda təmsil edərək sertifikatla təltif olunmuşdular.

Bizim.Media