Xəbər verdiyimiz kimi, Ağdam rayonu ərazisində təmir-tikinti işləri aparılarkən 2 nəfər şəxsin minaya düşməsi barədə rayon prokurorluğuna ilkin məlumat daxil olub.
Bizim.Media xəbər verir ki, Baş Prokurorluğun Mətbuat xidmətindən verilən məlumata görə, araşdırma zamanı daha bir şəxsin- 1983-cü il təvəllüdlü Səxavət Abduxalıqovun da xəsarət alması müəyyən edilib.
MÖVZU İLƏ BAĞLI:
Ağdamdakı mina partlayışı ilə bağlı ARAŞDIRMA başlanılıb – Baş Prokurorluq
Daha sonra Füzuli rayonunun işğaldan azad edilmiş ərazisində təmir-tikinti işləri aparılarkən traktorun partlamamış silah-sursata dəyərək partlaması nəticəsində traktora maddi ziyan dəyməsi, lakin hər hansı bir şəxsin xəsarət almaması müəyyən edilib.
Hazırda hər iki faktla bağlı araşdırmalar davam etdirilir.
Bizim.Media
