Azərbaycan Milli Elmlər Akademiyası (AMEA) Fizika İnstitutunda Elmi Şuranın iclası keçirilib.
Bizim.Media xəbər verir ki, Akademiyadan verilən məlumata görə, iclasda AMEA-nın birinci vitse-prezidenti, akademik Dilqəm Tağıyev və vitse-prezident, akademik Rasim Əliquliyev iştirak edib.
Tədbirdə struktur dəyişiklikləri haqqında əməkdaşlara məlumat verilib.
MÖVZU İLƏ BAĞLI:
AMEA-da yeni idarə və şöbə yaradıldı
AMEA-da yeni təyinatlar
Elmi Şuranı giriş sözü ilə AMEA-nın birinci vitse-prezidenti, akademik Dilqəm Tağıyev açıb. Bildirib ki, iclasın keçirilməsində məqsəd Fizika-Riyaziyyat və Texnika Elmləri bölməsinin ümumi iclasında seçilmiş və Akademiyanın Rəyasət Heyəti tərəfindən təsdiq olunmuş Fizika İnstitutunun direktoru akademik Arif Həşimovu kollektivə təqdim etməkdən ibarətdir. O, akademikin elmi-təşkilati fəaliyyəti haqqında ətraflı məlumat verib.
Qeyd edib ki, A.Həşimov 1971-ci ildən Fizika İnstitutunda işləyir. A.Həşimovun tanınmış alim, akademik Çingiz Cuvarlı məktəbinin yetirməsi olduğunu və bu məktəbin ənənələrini layiqincə davam etdirdiyini vurğulayıb.
Akademik D.Tağıyev bildirib ki, Fizika İnstitutu Akademiyanın işçilərin sayına görə ən böyük institutlarındandır və həmişə dünyada tanınan qabaqcıl institutlarından olub. O, bundan sonra da İnstitutun inkişaf edəcəyinə və həmişə olduğu kimi irəlidə olacağına ümid etdiyini bildirib.
Akademik Rasim Əliquliyev AMEA-nın Ümumi Yığıncağında AMEA nizamnaməsində dəyişiklər olacağını qeyd edib. Vurğulayıb ki, yeni struktur dəyişikliyinə əsasən, baş direktor və icraçı direktor vəzifəsi təsis edilib. İnstitutun icraçı direktor vəzifəsini fizika elmləri doktoru, professor Anar Rüstəmovun icra edəcəyini bildirib.
Bizim.Media
