“Azərbaycan erməniləri Azərbaycana gəlməyə meyillidir”x9d.
Bunu Moderator.az-a açıqlamasında ADP sədri Sərdar Cəlaloğlu bildirib. Onun sözlərinə görə, bunun bir neçə səbəbi mövcuddur:
“Ermənistanda Azərbaycan ermənilərini klassik mənada erməni sayımırlar. Ermənistanda onlara çönmə erməni kimi baxır, o qədər də qəbul eləmirlər. Onlar Azərbaycan insanı ilə uzun müddət bir yerdə yaşadığına, şüuruna, mədəniyyətinə görə özlərini azərbaycanlılara daha yaxın hesab edirlər. Yadımdadır, 80-ci illərdə Ermənistana Suriyadan ermənilər gətirilmişdi. Onların yerli ermənilərlə nə baxışlar, nə düşüncələri, nə yanaşma tərzləri eyni deyildi. Qarabağ müharibəsində də azərbaycanlılara qarşı xüsusi amansızlığı ilə seçilən ermənilər məhz həmin ermənilər idi. Onlar öz saqqalları, görünüşləri ilə də digərlərindən fərqlənirdilər. Hansı ki, onlar Suriyadan, Livanda və s. gətirilmişdi. Necə ki, hazırda İŞİD kimi terror təşkilatlarının tərkibində vuruşurlar. Onlar Yaxın Şərqdə amansızlıq təcrübəsini keçmişdilər. Qarabağda da şahidi və iştirakçısı olduqları hadisələri təkrarladılar”x9d.
xa0
Seymur Əliyev
