Metronun “Sahil” stansiyasında bu gün eskalatorun dayanması barədə məlumatlar yayılıb.
Bizim.Media xəbər verir ki, hadisə səhər saatlarında baş verib.
Metronun “Sahil” stansiyasında eskalatorda nasazlıq yaranıb. Bu zaman eskalatorda olan sərnişinlər yıxılıblar
Məsələ ilə bağlı “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Bizim.Media-ya açıqlamasında eskalatorda texniki nasazlığın olmadığını bildirib.
O qeyd edib ki, eskalator sərnişin müdaxiləsi nəticəsində dayanıb:
“"Sahil" stansiyasında sərnişinlərdən biri zərurət olmadan təhlükəsizlik düyməsini sıxıb. Nəticədə eskalator dayanıb. Dərhal texniki baxış keçirilib, hər hansı texniki nasazlıq olmadığı müəyyən edilib. Sərnişinlərdən xəsarət və ya hər hansı bir problemlə bağlı müraciət edən olmayıb. Eskalator qısa müddətdə işə salınıb”.
Alçina Amilqızı, Bizim.Media
