Sığınacaqda yaşayan xeyli uşaq TƏHSİLSİZ qalıb – Onları məktəbə niyə GÖTÜRMÜRLƏR?  

Azərbaycan Uşaqlar Birliyində yaşayan xeyli bir neçə uşaq təhsilsiz qalıb. Səbəb həmin uşaqların sənədlərinin olmamasıdır.  

Bu barədə Bizim.Media-ya Azərbaycan Uşaqlar Birliyinin rəhbəri Kəmalə Ağazadə bildirib.

Onun sözlərinə görə sığınacaqlarında doğum faktı hələ müəyyənləşməmiş xeyli uşaq var ki, onları təhsilə cəlb etmək mümkün olmur. Aidiyyəti qurumlara müraciətləri isə cavabsız qalıb. 

Hüquq müdafiəçisi həmçinin sözügedən uşaqların fərdi təhsilə cəlb olunması ilə bağlı da müraciət etdiklərini bildirib. 

Məsələ ilə bağlı Elm və Təhsil Nazirliyinə müraciət etsək də, onlardan hər hansı cavab ala bilmədik. 

Alçina Amilqızı, Bizim.Media