Beynəlxalq elmi-praktik konfransın iştirakçıları Şuşaya getdi - FOTO

Sentyabrın 18-də “Azərbaycanda mədəniyyət iqtisadiyyatı: Şuşadan inkişaf impulsları” adlı beynəlxalq elmi-praktik konfrans öz işinə başlayıb.

Bizim.Media xəbər verir ki, konfrans iştirakçıları Azərbaycanın mədəniyyət paytaxtı Şuşa şəhərinə yola düşüblər.

Yolboyu qonaqlara səfər barədə ətraflı məlumat verilib. Eyni zamanda, startaplar üzrə tanınmış mütəxəssis, israilli ekspert Tal Katranın moderatorluğu ilə yerli və xarici mütəxəssislər öz fəaliyyətləri barədə danışıb, müxtəlif mövzularda fikir mübadiləsi aparıblar.

Qeyd edək ki, səfərin proqramında konfrans iştirakçılarının Qobustan Milli Tarix-Bədii Qoruğuna, Füzuli və Şuşa şəhərlərinə turları nəzərdə tutulub.

Xatırladaq ki, “Şuşa İli” çərçivəsində #think4culture çağırışı ilə sentyabrın 19-da gerçəkləşəcək “Azərbaycanda mədəniyyət iqtisadiyyatı: Şuşadan inkişaf impulsları” adlı beynəlxalq elmi-praktik konfrans ölkəmizdə mədəniyyət iqtisadiyyatının inkişaf perspektivlərinə həsr olunub.

Beynəlxalq konfransda 15-ə yaxın ölkədən, o cümlədən Türkiyə, Böyük Britaniya, İsrail, Almaniya, Hindistan, Qazaxıstan və digər ölkələrdən sahə üzrə ekspertlər, eləcə də yerli mütəxəssislər mədəniyyət iqtisadiyyatı ilə bağlı aktual məsələləri müzakirə edəcək və mövzu ilə bağlı təkliflərini səsləndirəcəklər.

Bizim.Media