Xızının Giləzi qəsəbə qəbristanlığında Müdafiə Nazirliynin Komando hərbi hissəsinin tabor komandiri Saleh Möhübbət oğlu Qurbanovun dəfn mərasimi keçirilib.
Bizim.Media-nın yerli bürosu xəbər verir ki, şəhidin cənazəsini qəbristanlığa böyük insan kütləsi müşayiət edib.
MÖVZU İLƏ BAĞLI:
Ermənistanın təxribatlarının qarşısını alarkən şəhid olan hərbçilərin SİYAHISI
Mərasimə gələn rayon rəhbərliyi və digər rəsmilər, qazi və şəhid ailələri, sadə insanlar şəhid Saleh Qurbanova son borclarını vermək üçün məzarlığa gəliblər.
Qeyd edək ki, sentyabrın 13-ü gecə saatlarından başlayaraq Ermənistan silahlı qüvvələri Daşkəsən, Kəlbəcər və Laçın istiqamətində Azərbaycan Ordusunun mövqelərini atəşə tutması nəticəsində sərhəddə toqquşmalar baş verib. Müdafiə Nazirliyinin açıqladığı məlumata görə, hərbi toqquşmalarda Azərbaycan Ordusu 50 şəhid verib.
Aytəkin Alxaslı, Bizim.Media, Şimal bürosu
