Güclü külək rayonlarda fəsadlar törətdi - VİDEO

Güclü külək köhnə Ələt-Astara magistralında, Lənkəranın Ləvəngi dairəsinə yaxın ərazisində iri gövdəli ağacı magistral yola və  avtomobilin üzərinə aşırıb.

Bizim.Medi xəbər verir ki, daha bir ağac isə şəhərin Koroğlu küçəsində Nuranə Əliyevaya məxsus evinin dam örtüyünə aşıb. 

Güclü külək Goranboyda da fəsadlar törədib. Rayon mərkəzi ilə yanaşı bir neçə kənddə elektrik enerjisinin verlişində fasilələr yaranıb. 

Təbiət hadisəsi zamanı Goran-Qızılahcılı yolunun rayonun Balakürd kəndindən keçən hissəsində yol kənarındakı iri qovaq ağacı küləyə tab gətirməyərək aşıb. Aşan ağacın iri budaqları yolda avtomobillərin hərəkətinə çətinliklər yaradıb. 
Rayonun Boluslu, Məşədiqaralar və digər kəndlərində isə elektirik verilişində fasilələr yaranıb. Adıçəkilən kəndlərə enerji verilişi bir neçə saat sonra bərpa edilib.

Daha ətraflı "Xəzər Xəbər"in mövzu ilə bağlı hazırladığı sujetdən izləyə bilərsiniz.

Bizim.Media