Qubanın Şabran rayonu sərhədində yerləşən Çiçi kəndi ərazisində yanğın qeydə alınıb.
Bizim.Media xəbər verir ki, havanın həddən artıq isti olması nəticəsində sürətlə başlayan yanğının söndürülməsinə FHN-in Quba və Şabran rayonlarından 2 yanğınsöndürən avtomobil və canlı qüvvəsi cəlb edilib.
Görülən operativ tədbirlər nətiçəsində Çiçi İnzibati Ərazi Dairəsinin Raziyyələr kəndində alovun qarşısı vaxtında alınıb.
Yanan ərazi quru çəpər zolağı olmaqla yaşayış evlərindən 500 metr uzaqlıqda baş verib. Bu yanğında da insan faktorunun olması araşdırılır.
Aytəkin Alxaslı, Bizim.Media, Şimal bürosu
