Qəbələnin dağlarında ən hündür zirvələrdən biri general Polad Həşimovun adını daşıyacaq. Bu barədə Azərbaycan Alpinizm Federasiyasının prezidenti Nizami Mursakulov Bizim.Media-ya açıqlamasında bildirib.
Fedarasiya prezidenti deyir ki, Polad Həşimov zirvəsinə elə bir marşrut təşkil olunacaq ki, gələcəkdə rayon sakinləri, turistlər ora asan qalxa bilsinlər: “Bu yürüşlərin kütləvi şəkildə və geniş müstəvidə təşkil olunması planı var. Hazırda adsız zirvəyə ekspedisiya planını hazrlayırıq. Zirvə öyrənildikdən sonra digər tədbirlər həyata keçiriləcək. Zirvədə generalımızın barelyefin də yerləşdirəcəyik”.
Xatırladaq ki, general Polad Həşimov 2020-ci ilin 14 iyul tarixində Tovuz hadisələri zamanı şəhid olub.
Gülşanə, Bizim.Media
