Xınalıqda səyyar qəbul keçirildi - FOTO

Qubanın dəniz səviyyəsindən 2300 metr hündürlükdə yerləşən Xınalıq kəndinin sakinləri üçün rayon rəhbərliyinin səyyar qəbulu keçirilib.

Bizim.Media-nın yerli bürosu xəbər verir ki, qəbulda rayonun aidiyyatı qurumları  və hüquq-mühafizə orqanlarının  rəhbərləri iştirak edib.

Qubanın icra başçısı Ziyəddin Əliyev sakinləri narahat edən problemləri dinləyib.

Sakinlər əsasən işsizlik, elektrik transformatorunun köhnə olması ilə bağlı narahatlıqlarını rayon rəhbərinə çatdırıblar.

Ziyəddin Əliyev sakinlərə Xınalıq kimi unikal kəndin qarşıdakı ildə YUNESKO-nun mədəni irs siyahəsına salınacağı ilə bağlı görüləcək işlərdən danışıb.

Səyyar qəbulda iştirak edən Dövlət Turizm Agentliyinin, Əmək və Məşulluq Mərkəzinin nümayəndələrinə yeni layihələrə kənd sakinlərini cəlb etmək tövsiyə edilib.

Sakinlərin transformatorla bağlı probleminin isə  sentyabr ayının sonuna kimi həll ediləcəyi bildirilib.

Aytəkin Alxaslı, Bizim.Media - Şimal Bürosu