Tovuzda qeyri-döyüş şəraitində ölən 19 yaşlı əsgər Pünhan Səyavuş oğlu Ağamirov doğulduğu Xaçmaz rayonunun Yergüc kənq qəbristanlığında torpağa tapşırılıb.
Bizim.Media xəbər verir ki, dəfn mərasimində əsgərin ailə üzvləri, doğmaları ilə yanaşı, Xaçmaz İH-nin başçısı Elnur Rzayev, hüquq-mühafizə orqanlarının rəhbərləri iştirak edib.
MÖVZU İLƏ BAĞLI:
Azərbaycan Ordusunun əsgəri həlak olub
Elnur Rzayev tək oğlunu faciəli surətdə itirən ailəyə başsağlığı verib, dərdlərinə şərik olduğunu bildirib.
Qeyd edək ki, Azərbaycan Ordusunun müddətli həqiqi hərbi xidmət hərbi qulluqçusu əsgər Ağamirov Pünhan Səyavuş oğlu Tovuz rayonu ərazisində yerləşən hərbi hissədə qeyri-döyüş şəraitində aldığı güllə yarasından vəfat edib. Faktla bağlı cinayət işi açılıb.
Aytəkin Alxaslı, Bizim.Media, Şimal bürosu
