“Vətən müharibəsinin nəticələri nəzərə alınmaqla, təhsilin məzmununda müvafiq korrektə və düzəlişlər aparılmalı, Azərbaycanın ərazi bütövlüyünün təmin olunması və işğaldan azad olunan ərazilər haqqında yeni reallıqlar ümumi təhsilin məzmununa daxil edilməlidir”.
Bizim.Media xəbər verir ki, bunu Təhsil nazirinin müavini Firudin Qurbanov deyib.
O bildirib ki, Təhsil Nazirliyi bu haqda öz mövqeyini cəmiyyətə açıqlayıb, dərsliklərdə müvafiq dəyişikliklər aparılmasına başlanılıb.
F.Qurbanovun sözlərinə görə, Vətən müharibəsində Azərbaycanın qələbəsini təmin edən amillər təhlil olunmalı, bütün təhsil müəssisələrində “Qarabağ dərsləri”, “Qarabağ şahinləri”, “Milli qəhrəmanlar”, “Qarabağ müharibəsi qəhrəmanları”, “Şuşa əməliyyatı” adlı ustad dərsləri təşkil olunmalı, müharibə şəhidləri və qaziləri təhsil alanlara dərindən tanıdılmalıdır.
“Qarabağ müharibəsi qəhrəmanları, qaziləri, şəhidləri, iştirakçıları haqqında ensiklopedik soraq kitabları hazırlanmalı, sənədli filmlər çəkilməli, həmin insanlar yetişməkdə olan uşaq və gənclərə yetərincə tanıdılmalıdır”,- nazir müavini əlavə edib.
Bizim.Media
- A-
- A
- A+
Cəmiyyət
10:03 / 13.01.2021
\'\'Dərsliklərdə dəyişikliklər aparılır\'\' - Təhsil Nazirliyi
Hazırda oxunan: \'\'Dərsliklərdə dəyişikliklər aparılır\'\' - Təhsil Nazirliyi
Hazırda oxunan: \'\'Dərsliklərdə dəyişikliklər aparılır\'\' - Təhsil Nazirliyi
8298
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
