Ötən il abituriyentlər Azərbaycan bölməsində I qrupda ən çox Bakı Dövlət Universitetinin riyaziyyat müəllimliyi, II qrupda Azərbaycan Dövlət İqtisad Universitetinin maliyyə, III qrupda Azərbaycan Dillər Universitetinin xarici dil müəllimliyi (ingilis dili üzrə), IV qrupda Azərbaycan Tibb Universitetinin tibb, V qrupda Azərbaycan Dövlət İqtisad Universitetinin dizayn (sahələr üzrə) ixtisasına üstünlük veriblər.
Bizim.Media xəbər verir ki, bu məlumat 2021/2022-ci tədris ili üçün Azərbaycan Respublikasının ali və orta ixtisas təhsil müəssisələrinə tələbə qəbulu və ümumtəhsil müəssisələri üzrə buraxılış imtahanları ilə bağlı Dövlət İmtahan Mərkəzinin elmi-statistik hesabatında yer alıb.
Hesabatda bildirilir ki, I ixtisas qrupu istisna olmaqla, digər bütün ixtisas qruplarında Azərbaycan və rus bölməsinin abituriyentlərinin seçimi eyni olub.
I ixtisas qrupunda rus bölməsinin abituriyentləri Azərbaycan Respublikasının Prezidenti yanında Dövlət İdarəçilik Akademiyasının kompüter elmləri ixtisasına üstünlük veriblər.
Qeyd edək ki, hər bir ixtisas üzrə müsabiqə vəziyyəti təkcə həmin ixtisası seçən abituriyentlərin sayından deyil, həm də həmin ixtisas üçün ayrılmış plan yerlərinin miqdarından asılı olur.
Bizim.Media
- A-
- A
- A+
Cəmiyyət
11:50 / 25.06.2022
Ən nüfuzlu ixtisaslar müəyyən edildi
Hazırda oxunan: Ən nüfuzlu ixtisaslar müəyyən edildi
Hazırda oxunan: Ən nüfuzlu ixtisaslar müəyyən edildi
80927
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
