Xudatda şəhidlərlə bağlı xatirə kompleksinin açılışı oldu - FOTO

Xaçmazın Xudat şəhərində şəhidlərin xatirə-bulaq kompleksinin açılışı olub.

Bizim.Media xəbər verir ki, 26 İyun - Silahlı Qüvvələr Günü ərəfəsində salınan yeni kompleksdə Birinci Qarabağ və Vətən müharibələrində şəhid olan igid oğulların xatirə lövhələri yer alıb. 

Müasir memarlıq üslubunda inşa edilən xatirə kompleksinin ətrafında dekorativ ağaclar əkilib, oturacaqlar və işıqlandırma sistemi quraşdırılıb. 

Açılış mərasimində Azərbaycan xalqının Vətən müharibəsində göstərdiyi ordu-dövlət-xalq birliyindən, şəhidlərin qanlı döyüşlərdəki igidliklərindən geniş söz açılıb.
Xaçmaz rayonun icra başçısı Elnur Rzayev çıxışında şəhid analarına igid oğullar böyütdükləri üçün təşəkkür edib. 

Qeyd edilib ki,onların göstərdiyi şücaət unudulmur və əmanət qoyub getdiyi ailələrinin problemlərinin həlli dövlətin nəzarəti altındadır.

Aytəkin Alxaslı, Bizim.Media - Şimal Bürosu