Azərbaycanda məktəb direktorları şagird sayına görə təyinat ala bilər.
Bizim.Media xəbər verir ki, bu barədə təhsil naziri Emin Əmrullayev məlumat verib.
Onun sözlərinə görə, hazırda 600-ə yaxın ümumtəhsil müəssisəsinin rəhbəri vəzifəsi vakantdır:
"Məktəb direktoru olmaq istəyənlərin sayı çoxdur, lakin Təhsil Nazirliyinin kriteriyalarına və meyarlarına uyğun şəxslərin müəyyənləşməsi əsasdır. Biz həqiqətən də layiqli namizədlərin məktəb direktoru vəzifəsinə təyinatını istəyirik”.
MÖVZU İLƏ BAĞLI:
Bakıda 37 məktəbə yeni direktor təyin olundu - SİYAHI
Report.azın məlumatına görə, nazir bildirib ki, məktəb rəhbərlərinin təyinatı məsələsində şagird sayına görə müxtəlif fərqli seçim qaydalarının tətbiqi nəzərdə tutulub:
“Məsələb, daha kiçik məktəblərdə həmin ərazinin, kəndin sakini olan, yaxud da ora yaxın yaşayan bir insanın məktəb direktoru olması və kollektivin iştirakı ilə prosesin həyata keçirilməsini, daha böyük məktəblərdə isə şagird sayı böyüdükcə, işin yükü artdıqca nisbətən daha mürəkkəb və daha çox mərhələli modellərin tətbiqini planlaşdırırıq”.
Bizim.Media
