Əlilliyi olan şəxslərə qarşı alçaldıcı ifadələr işlənməyəcək - Neytral sözlərlə... 

“Termin dəyişikliyi sağlamlığı məhdud olan vətəndaşların şəxsiyyətinə toxunacaq və onların cəmiyyətə inteqrasiyasına maneçilik törədə biləcək anlayışlardan, müraciətlərdən və münasibətlərdən uzaqlaşmaq, onların inklüziv təhsilə və cəmiyyətə inteqrasiyası üçün maneəsiz mühit yaratmaq baxımından xüsusi əhəmiyyət daşıyır”. 

Milli Məclisin Mətbuat və ictimaiyyətlə əlaqələr şöbəsindən Bizim.Media-ya verilən xəbərə görə, bu fikirləri komitə sədri Bəxtiyar Əliyev bu gün parlamentin Elm və təhsil komitəsinin iclasında bildirib. 

O qeyd edib ki, sağlamlıq imkanları məhdud şəxslər üçün inklüziv təhsilin inkişafı istiqamətində həyata keçirilən dövlət siyasəti, yaradılan qanunvericilik bazası əlilliyi olan şəxslərin hüquqlarının, xüsusən onların təhsil hüquqlarının müdafiəsinə yönəlib.  

Bizim.Media