Vacib layihəyə artıq start verilib. Bu, Toğanalı - Kəlbəcər yoludur, bu da çox çətin relyefdən keçən bir yoldur. Eyni zamanda, göstəriş verilib ki, Horadizdən Zəngilana, oradan Qubadlıya və oradan da Laçın rayonuna qədər yol çəkilsin və hazırlıq işləri gedir.
Bizim.Media xəbər verir ki, bu barədə Prezident İlham Əliyev 2020-ci ilin yekunlarına həsr olunmuş müşavirədə bildirib.
Toğanalıdan Kəlbəcərə çəkiləcək yolun Laçın rayonuna da davam etdiriləcəyini bildirən Prezident deyib:
“Beləliklə, biz iki tərəfdən, - həm şimaldan, həm cənubdan Laçın və Kəlbəcər rayonlarına yol-nəqliyyat infrastrukturu yaradacağıq. Eyni zamanda, mənim göstərişimlə Laçın və ya Kəlbəcər rayonlarının ərazisində müasir beynəlxalq hava limanının tikilməsi üçün yer axtarılır".
"Düzdür, orada relyef çox çətindir və demək olar ki, ərazilərin mütləq əksəriyyəti dağlıq ərazilərdir. Orada düz yer tapmaq çətindir, amma indi araşdırmalar gedir, ümid edirəm ki, yaxın gələcəkdə mənə məlumat veriləcək. Beləliklə, ya Laçın, ya da Kəlbəcər rayonunda yeni beynəlxalq hava limanı tikiləcək”.
Bizim.Media
![Laçın, ya da Kəlbəcərdə beynəlxalq hava limanı tikiləcək Laçın, ya da Kəlbəcərdə beynəlxalq hava limanı tikiləcək](https://bizim.media/file/articles/2021/01/07/1610022110_screenshot_16.png)
- A-
- A
- A+
Cəmiyyət
16:15 / 07.01.2021
Laçın, ya da Kəlbəcərdə beynəlxalq hava limanı tikiləcək
Hazırda oxunan: Laçın, ya da Kəlbəcərdə beynəlxalq hava limanı tikiləcək
Hazırda oxunan: Laçın, ya da Kəlbəcərdə beynəlxalq hava limanı tikiləcək
7718
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.