Mətbuat Şurası Qadir İbrahimli ilə bağlı dövlət qurumlarına MÜRACİƏT etdi

Azərbaycan Mətbuat Şurasının sədri Əflatun Amaşov xəstəxanaya yerləşdirilən jurnalist Qadir İbrahimli ilə bağlı dövlət qurumlarına müraciət edib. 

Bizim.Media xəbər verir ki, Ə.Amaşov bu barədə "Facebook" hesabında paylaşım edib.

“Jurnalist həmkarımız, uzun illərdən bəri tanıdığımz Qadir İbrahimlinin səhhəti şəxsən mənim, ümumən Azərbaycan Mətbuat Şurasının diqqətindədir. Respublika Xəstəxanasının rəhbərliyi ilə bir neçə dəfə əlaqə saxlamışıq.
Qadirin tezliklə sağlamlığına qovuşmasını arzulayırıq. Həkimlər də bunun üçün əllərindən gələni edirlər. Bir çox həmkarımın də bildiyi kimi, səhhəti hazırda ürəkaçan sayıla bilməz. 

Eyni zamanda onu da deyim ki, Qadir İbrahimlinin sağlamlıq durumu ilə əlaqədar müvafiq dövlət qurumları ilə də təmaslarım olub. İnanıram ki, müvafiq tədbirlər görüləcək. Allah Qadirə kömək olsun. Ümüd edək ki, səhhəti düzələcək”, deyə o yazıb. 

Bizim.Media