"Məişət zorakılığına qarşı mübarizədə Azərbaycan hökumətinin səylərini müsbət qiymətləndiririk".
Bizim.Media xəbər verir ki, bu fikirləri "Qadınlara qarşı zorakılıq və məişət zorakılığının qarşısının alınması və ona qarşı mübarizədə milli parlamentlərin rolu" mövzusunda keçirilən tədbirdə Avropa İttifaqının Azərbaycandakı nümayəndəliyinin rəhbəri Peter Mixalko səsləndirib.
MÖVZU İLƏ BAĞLI:
“Parlamentarilər zorakılığa məruz qalanlarla bağlı mövqe ortaya qoymalıdır" - Bahar Muradova
Aİ rəsmisi qeyd edib ki, bütün dünyada qadınlara qarşı zorakılıq halları qalmaqdadır:
"Məişət zorakılığına qarşı mübarizədə cəmiyyətin patriarxatlığına və mentalitetinə qarşı mübarizə də daxildir. Cinayət halları araşdırılmalı, cinayətkarlar əməllərinə görə cavab verməlidirlər. Bu cür əməllər törədənlərin islah edilməsi də vacibdir. Parlamentarilər bu sahədə səlahiyyətli şəxslərdir. Onlar qadınlara qarşı zorakılığı ölkə gündəmində olan məsələyə çevirə bilər. Bu sahədə qanunlar qəbul edə bilərsiniz".
Murad Əhmədov, Bizim.Media
