Şəmkir rayonunda 3 sərnişinin ağır xəsarətlər alması ilə nəticələn yol-nəqliyyat hadisəsi baş verib.
Bizim.Media-nın yerli bürosunun məlumatına görə, hadisə şəhərin mərkəzi küçəsində qeydə alınıb.
Hərəkətdə olan "VAZ 21015" markalı avtomobillə "Chevrolet Cruze" markalı minik maşınları toqquşub.
Qəza nəticəsində 1996-ci il təvəllüdlü Nurlan Rüstəmli, 1993-cü il təvəllüdlü Elməddin Bağırov və 1994-cü il təvəllüdlü Xatirə Qasımova müxtəlif dərəcəli bədən xəsarətləri ilə xəstəxanaya yerləşdiriliblər.
Məlumata görə, N.Rüstəmlinin vəziyyəti ağır olduğundan o, Gəncədə yerləşən xəstəxanaların birinə aparılıb.
Hadisə yerinə DYP əməkdaşları cəlb olunub. Faktla bağlı araşdırma aparılır.
Məqsəd Rəhimov, Bizim.Media, Qərb bürosu
