Bakı-Quba yolunun Xızı rayonundan keçən hissəsində ötən gün baş vermiş ağır qəzada sürücü və ata ilə yanaşı, 2 aylıq qız uşağının da öldüyü barədə məlumat vermişdik.
Bizim.Media-nın əldə etdiyi məlumata görə, Xızı rayonunun Giləzi qəsəbə sakini 31 yaşlı Pərviz Xudabaxışov, anası 56 yaşlı Vəsxanım Xudabaxışova və həyat yoldaşı 24 yaşlı Əfsanə Xudabaxışova ilə birlikdə 2 aylıq Mədinə Pərviz qızı Xudabaxışlını peyvənd vurdurmağa aparırmış.
MÖVZU İLƏ BAĞLI:
Bakı-Quba yolunda AĞIR QƏZA: Ata və 2 aylıq qızı öldü - FOTO
Qeyd edək ki, Giləzi sakini, 31 yaşlı Orxan Qasımovun idarə etdiyi “Jiquli” "VAZ-2106" markalı avtomaşının Rusiya vətəndaşı Maqomed Abdulməcidovun idarə etdiyi yük avtomaşını ilə toqquşması nəticəsində ata və azyaşlı körpəsi həyatını itirib.
Aytəkin Alxaslı, Bizim.Media, Şimal bürosu
