Bərdədə şəhid polisin xatirəsi yad edilib

Birinci Qarabağ Müharibəsi döyüşlərinin iştirakçısı, vətən uğrunda canından keçərək şəhidlik zirvəsinə ucalmış polis əməkdaşı Natiq Əliyevin bu gün anım günüdür.

Bizim.Media-nın yerli bürosu xəbər verir ki, Bərdə Rayon Polis Şöbəsinin şəxsi heyəti Şəhidlər Xiyabanına gələrək şəhidlərin məzarlarını ziyarət edib, önlərinə gül-çiçək dəstələri qoyublar. Şəhidlərin əziz xatirəsi bir dəqiqəlik sükutla yad edilib.

Daha sonra N.Əliyevin məzarı önündə onun keçdiyi döyüş yolu xatırlanıb, döyüş yoldaşları şəhidin hünərindən, vətən sevgisindən bəhs ediblər. 

Xatırladaq ki, N.Əliyev 1993-cü ildə daxili işlər orqanlarında xidmətə başlayıb.

O, 1994-cü il mayın 6-da Ağdərənın müdafiəsi uğrunda gedən döyüşlərdə igidlik göstərərək şəhid olub. 

N.Əliyev ölümündən sonra “İgidliyə görə” medalı ilə təltif edilib.

Elgün Gəncimsoy, Bizim.Media, Qarabağ bürosu