Rüfət Hacıyevdən yeni təyinatından sonra ilk açıqlama

Ötən gün təhsil naziri Emin Əmrullayevin əmri ilə Rüfət Hacıyev Quba-Xaçmaz regional təhsil idarəsinə rəis təyin edilib.

Rüfət Hacıyev yeni təyinatından sonra ilk açıqlamanı Bizim.Media-ya verib.

O, açıqlamasında qarşıda duran vəzifələri haqqında məlumat verib:

“5 il müddətinə görüləcək işlətin strateji yol xəritəsi hazırlanacaq.Təhsilin inkişafı üçün müəyyən hədəflərimiz var. Bunlar şagirdlərin olimpiadalarda göstərdiyi nəticələrin yüksəldilməsi, beynəlxalq qiymətləndirmədə şagirdlərin iştirakı, ibtidai siniflərdə tədrisin keyfiyyətinin yaxşılaşdırılmasıdır.
Həmçinin məktəblərdə pul yığılması, rüşvət hallarına yol verilməməsi üçün valideynlərlə müəllimlər arasında normal işgüzar münasibətin yaradılması əsas məqsədlərimizdən biridir”,- deyə qeyd edən R.Hacıyev bu  kimi neqativ hallara qarşı mübarizə aparılacağını və təhsilin inkişafına töhfə veriləcəyini diqqətə çatdırıb.

Aytəkin Alxaslı, Bizim.Media