Keçmiş siyasi məhbus, müstəqil jurnalist Fuad Hüseynovun Moderator.az -a göndərdiyi məktubda deyilir:
"Bu gün Şəki Apellyasiya Məhkəməsində hakim İmamverdi Şükürovun sədrliyi ilə hüquq müdafiəçisi Taleh Xasməmmədovun Göyçay Rayon Məhkəməsinin həbs qətimkan tədbirindən verilmiş apellyasiya şıkayəti üzrə məhkəmə prosesi keçirilib.
Məhkəmə iclasında iştirak edən Taleh Xasməmmədov və vəkili Nəvaid Abbasovun əsaslı çıxışları dinlənilsə də apellyasiya şikayətinin təmin olunmamasına dair qərar çıxarılıb. Baxmayaraq ki, məhkəməyə Taleh Xasməmmədovun ciddi xəstə olması barədə sənədlər təqdim edilib. Məhkəmə iclası qapalı keçirilib.
Qeyd edim ki, hüquq müdafiəçisi Taleh Xasməmmədov Göyçay rayon icra başçısı Mübariz Ağayevin qanunsuz fəaliyyətini ictimailəşdirib ifşa etdiyi üçün onun sifarişi ilə 24.02.2015-ci il tarixdə şərlənərək həbs edilib. Hüquq müdafiəçisi Taleh Xasməmmədov ciddi xəstəliyə görə çox əziyyət çəkir, onun həbsdə saxlanılması sağlamlığı üçün çox təhlükəlidir. Onun ev dustaqlığına buraxılmasına köməklik göstərilməsi üçün ailə üzvüləri tərəfindən İşçi Qrupuna müraciət olunub."
