“Yeni məmurlarda daha çox korrupsiyaya yoluxma hiss olunur” - Fazil Mustafa 

“Ölkədə investisiyanın qanunla təminat altına alınması olduqca vacibdir. Lakin son illərin təcrübəsi onu göstərir ki, qeyri-neft sektoruna investisiyalar az yatırılır. 

Bizim.Media xəbər verir ki, bu fikirləri Fazil Mustafa “İnvestisya fəaliyyəti haqqında” qanun layihəsinin müzakirələri zamanı səsləndirib. 

Millət vəkili qanunun tətbiqindəki problemlərə diqqət çəkib: 

“Bu qanun mənə tütünçəkmə və məişət zorakılığı haqqında qanunu xatırladır. Yəni faktiki olaraq işləmir. Xaricədən gələn adam kapital qoyur, lakin zəmanət yoxdur ki, hansısa qoluzorlu, inhisarçı onun əlindən biznesini almayacaq.

Ona görə də qanun məsələsindən öncə, mühit məsələsi həll olunmalıdır. Yoxsa 100 çağırış etsən belə, onlar gözü çıxmış qardaşlarını görmürlərmi? İlk növbədə şəffaf mühit yaratmalıyıq”. 
“Korrupsiya niyə azalmır? Əvvəl deyirdilər ki, köhnə məmurlar daha çox korrupsiyaya alışmışdılar. Lakin onların gözü daha tox idi. Yeni məmurlarda daha çox korrupsiyaya yoluxma hiss olunur”, - deyə millət vəkili əlavə edib. 

Murad Əhmədov, Bizim.Media