Gəncə şəhər Baş Polis İdarəsinin Cinayət Axtarışı İdarəsinin və Narkotiklərlə Mübarizə Bölməsinin əməkdaşlarının keçirdikləri birgə əməliyyat-axtarış tədbirləri nəticəsində əcnəbi ölkədən qeyri-qanuni yolla ölkə ərazisinə gətirilmiş narkotik vasitəni onlayn yolla sifariş kimi qəbul edərək çatdırılmasını təmin edən narkokuryer saxlanılıb.
Bizim.Media-nın yerli bürosunun məlumatına görə, araşdırmalar zamanı məlum olub ki, Bakı şəhər sakin Faiq Məmmədzadə sosial şəbəkələr üzərindən İran vətəndaşından Gəncə ərazisində gizlədilən narkotik vasitəni müəyyən məbləğ qarşılığında Bakı şəhərinə aparmağa razılaşıb.
MÖVZU İLƏ BAĞLI:
Balakəndə narkotik satan dörd nəfər saxlanıldı - FOTO
F. Məmmədzadə Gəncə şəhərində saxlanılaraq Baş Polis İdarəsinə gətirilən zaman əlindəki sellofan torbadan qara bazarda dəyəri 350 min manatdan çox olan ümumi çəkisi 5 kq 156 qram heroin aşkar olunaraq götürülüb.
İstintaq zamanı həmin şəxsin daha əvvəllər də digər şəhər və rayonlarda narkokuryerlik etməsi məlum olub. Faktla bağlı zəruri istintaq-əməliyyat tədbirləri davam etdirilir.
Məqsəd Rəhimov, Bizim.Media
