Sumqayıt şəhəri Hacı Zeynalabdin Tağıyev qəsəbəsində zəhərlənən uşaqların ailəsinin aidiyyəti qurumlarla koordinasiyalı şəkildə qiymətləndirilməsi aparılıb.
MÖVZU İLƏ BAĞLI:
Zəhərlənərək ölən uşağını dəfn etməyə pul tapa bilməyən ata 1260 manat ALIRMIŞ?
Bu barədə Bizim.Media-nın sorğusuna cavab olaraq Sosial Xidmətlər Agentliyindən məlumat verilib.
Bildirilib ki, qiymətləndirmənin nəticələrinə əsasən, ailə üzvlərinin sosial-psixoloji reabilitasiyası istiqamətində kompleks tədbirlər planı hazırlanıb. Proses boyunca peşəkar sosial işçilər və psixoloqlar tərəfindən ailəyə mütəmadi dəstək göstəriləcək.
Qeyd edək ki, aprelin 1-də Sumqayıt şəhəri Hacı Zeynalabdin Tağıyev qəsəbəsində çoxuşaqlı ailənin altı uşağı dəm qazından zəhərlənib, sonradan aprelin 3-də onlardan biri ölüb. Hazırda digər 4 uşaq Sumqayıt Tibb Mərkəzinin Uşaq Xəstəxanasında, biri isə Ə.F.Qarayev adına Uşaq Klinik Xəstəxanasında müalicə alır.
Atanın 2 yaşlı uşağının meyitini qucağına alıb “TikTok”da canlı yayıma çıxması, ailənin maddi durumunun aşağı olması, övladını dəfn etməyə pulunun olmaması, valideynlərinin psixoloji durumu müzakirələrə səbəb olub. Ata kuryerlik edərək 9 uşaqlı ailəni dolandırdığını deyib.
Günay Şahmar, Bizim.Media
