Yer fıstığı ilə bağlı yeni maraqlı FAKT: Poladdan 200 dəfə daha möhkəm...

Hazırda bayram günləri olduğu üçün xüsusilə çərəzlər, meyvə quruları kimi məhsullar geniş istehlak edilir. Onlardan biri də yer fıstığıdır. Bu məhsulla bağlı yeni, maraqlı bir fakt da üzə çıxıb.

Bizim.Media "Sabah"a istinadən xəbər verir ki, aparılan araşdırmalar nəticəsində yer fıstığının qabığından poladdan 200 dəfə daha möhkəm olan qrafenin istehsal edilə bildiyi açıqlanıb.

Elmi tədqiqatlar göstərib ki, məlum olan ən möhkəm material hesab edilən qrafenin istehsalı bəşər tarixi və sənayedə böyük bir inqilaba səbəb olacaq.

Bu yolla yer fıstığı qabığının yandırılması zamanı ətraf mühitə verdiyi zərərin qarşısını almaq da mümkün olacaq.

Bizim.Media