Üzü yumaq üçün ideal su temperaturu necə olmalıdır? - Dermatoloqdan AÇIQLAMA

Dermatoloq Andrea Combalia bildirib ki, üz yumaq üçün istifadə olunan suyun temperaturu böyük əhəmiyyət kəsb edir.

Bizim.Media xəbər verir ki, onun sözlərini "La Razon" nəşri yayımlayıb.

Combalia izah edib ki, soyuq su ilə üz yuyarkən dəri yağı bərkidir və bu, təmizləyici vasitənin təsirinə mane olur. Lakin isti su da uyğun deyil, çünki o, dərinin qoruyucu baryerini saxlayan lipidləri aradan qaldırır. Düzgün olmayan təmizləmənin nəticələri kimi dermatoloq quru dəri, qıcıqlanma və epidermisin həssaslığının artmasını qeyd edib.

Dermatoloq vurğulayıb ki, üz yumaq üçün ideal su temperaturu 28–30 dərəcədir. Bu, təmizləyici vasitənin funksiyasını effektiv şəkildə yerinə yetirməsinə imkan verir, eyni zamanda prosedurdan sonra qızartı və ya gərginlik hissi yaranmır ki, bu da xüsusilə həssas dəriyə malik insanlar üçün önəmlidir, – deyə həkim izah edib. (Redaktor.az)

Bizim.Media