Gəncədə dəm qazından zəhərlənən 3 tələbə qızın son durumu açıqlanıb.
Gəncə Şəhər Birləşmiş Xəstəxanasından Bizim.Media-nın yerli bürosuna verilən məlumata görə 16.02.2026-cı il tarixində saat 03:20 radələrində zəhərlənmə şübhəsilə 3 nəfər (qadın) Gəncə Şəhər Birləşmiş Xəstəxanasının nəznində olan Akademik Z. Məmmədov adına Xəstəxananın Təcili tibbi yardım şöbəsinə hospitalizasiya olunub:
"Dəm qazının toksiki təsiri diaqnozu təyin olunan pasiyentlərə zəruri tibbi yardım göstərilib. Vəziyyətləri qənaətbəxş hesab edilən şəxslər ambulator müalicə üçün evə buraxılıblar", - deyə məlumatda bildirilib.
Qeyd edək ki, bu gün 2006-cı il təvəllüdlü F. Həsənova, 2006-cı il təvəllüdü İ. Mollayeva və 2005-ci il təvəllüdlü N. Musayeva zəhərlənmə diaqnozu ilə xəstəxanaya yerləşdirilib. Məlumata görə hər 3 şəxs Zaqatala rayon sakinləridir. Onların tələbə olduğu bildirilir.
Faktla bağlı araşdırma aparılır.
Məqsəd Rəhimov, Bizim.Media, Qərb bürosu
