Şair Əli Vəkil vəfat etdi

Azərbaycan Yazıçılar Birliyinin (AYB) üzvü, şair, tərcüməçi Əli Vəkil vəfat edib.

Bizim.Media xəbər verir ki, bu haqda informasiyanı AYB yayıb. Mənbə qeyd edir ki, şair bu gün dünyasını dəyişib.

Xatırladaq ki, Əli Vəkil 1938-ci il iyunun 10-da Qərbi Azərbaycanın Basarkeçər rayonunun (indiki Vardenis) Yuxarı Şorca kəndində anadan olub. Şişqaya kənd orta məktəbini bitirib. İrəvanda Ermənistan Dövlət Pedaqoji İnstitutunun fizika-riyaziyyat fakültəsinin Azərbaycan şöbəsində təhsil alıb. Əmək fəaliyyətinə Ermənistan Dövlət Televiziya və Radio Verilişləri Komitəsinin Azərbaycan dilində verilişlər redaksiyasında diktor-redaktor kimi başlayıb. 

M.A.Əliyev adına Azərbaycan Dövlət İncəsənət İnstitutunun teatrşünaslıq fakültəsini qiyabi bitirib.

1972-ci ildən Azərbaycan Yazıçılar Birliyinin üzvü olan şairin “Zəfər çələngi” (1967), “ İki günəş” (1971), “Doğma Yollar” (1979), “ Ata həsrəti” ( 1979), “Göyərçinlər” ( 1983), “Yeddi dağ” ( 1984), “Şəlalə” (1988), “Ana qayğısı” (1991) kitabları işıq üzü görüb.

Bizim.Media