Zaqatala rayonunun Muxax kəndində, kənd sakini Vidadi Yusubova məxsus xurma sexində yanğın olub.
Bizim.Media-nın yerli bürosu xəbər verir ki, hadisə yerinə Zaqatala Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb olunub.
Yanğın zamanı həyətdəki çardax, sexin yanar konstruksiyaları, sexdə olan xurmanın bir hissəsi və daşınma üçün istifadə olunan odun və plastik yeşiklərin xeyli hissəsi yanıb.
Yanğın qısa müddət ərzində söndürülüb.
Hadisə zamanı xəsarət alan olmayıb. Yanğının başvermə səbəbi hələki məlum deyil.
Tural Rasimoğlu, Bizim.Media, Şimal-Qərb bürosu
