Biləsuvar rayonunda yanğın hadisəsi baş verib.
Bizim.Media-nın yerli bürosu xəbər verir ki, hadisə rayon mərkəzində, Melioratorlar qəsəbəsində qeydə alınıb.
Belə ki, Xatirə Əliyevaya məxsus, ümumi sahəsi 35 kvadratmetr olan 2 otaqlı mənzildə yanğın baş verib. İlkin məlumata görə, alov qısa müddət ərzində bütün evi bürüyüb.
Yanğın zamanı evdə xəstə vəziyyətdə olan iki nəfər vaxtında xilas edilib, lakin mənzil tamamilə yanaraq yararsız hala düşüb.
Hadisə yerinə cəlb olunan yanğından mühafizə bölməsinin əməkdaşları alovu söndürərək, yanğının digər tikililərə keçməsinin qarşısını alıblar.
Faktla bağlı araşdırma aparılır.
Sabutay, Bizim.Media, Cənub bürosu
