Qax sakini ov tüfəngi ilə ehtiyatsız davrandığından xəsarət alıb. Hadisə rayonun baydarlı kəndi ərazisndəki otlaqda baş verib.
Bizim.Media-nın yerli bürosu xəbər verir ki, Qax rayon sakini 46 yaşlı Rasim Məmmədov Baydarlı kəndi ərazisində qoyun otararkən ov tüfəngi ilə ehtiyatsız davranması nəticəsində açılmış atəşdən xəsarət alıb. O, xəstəxanaya yerləşdirilib, vəziyyəti qənaətbəxşdir.
DİN-in Mətbuat Xidmətinin regional qrupundan sorğumuza cavab olaraq bildirilib ki, ondan müvafiq sənədləri olan ov tüfəngi götürülüb.
Faktla bağlı ərazi üzrə polis orqanında istintaq araşdırmaları aparılır.
Tural Rasimoğlu, Bizim.Media, Şimal-Qərb bürosu
