Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi ilə Azərbaycan Respublikasının Minatəmizləmə Agentliyi (ANAMA) tərəfindən birgə peşə kurslarının təşkili işləri davam etdirilir.
Nazirliyin İctimaiyyətlə əlaqələr şöbəsindən Bizim.Media-ya verilən məlumata görə, əməkdaşlıq çərçivəsində “Həyat fəaliyyətinin təhlükəsizliyi mühəndisliyi” üzrə növbəti hazırlıq kursuna başlanılıb və kursa 48 müdavim cəlb edilib.
Humanitar minatəmizləmə əməliyyatlarında iştirakı nəzərdə tutulan yeni müdavimlər üçün ANAMA tərəfindən “Humanitar minatəmizləmə” və “Döyüş sahəsinin təmizlənməsi” təlimləri keçirilib. Təlimlərlə birgə keçirilən “Həyat fəaliyyətinin təhlükəsizliyi mühəndisliyi” üzrə kursda müdavimlərə texniki standartlar və təhlükəsizlik, ilkin yardımın əsasları, zərərçəkmişin təxliyəsi, təhlükənin idarə olunması və texniki təhlükəsizlik qaydalarına dair biliklər öyrədilib.
Bununla da ANAMA ilə Dövlət Məşğulluq Agentliyinin əməkdaşlığı çərçivəsində təşkil olunan kurslara cəlb edilmiş müdavimlərin sayı 291-ə çatıb.
Kursları bitirənlər işğaldan azad edilmiş ərazilərdə icra olunan humanitar minatəmizləmə fəaliyyətində iştirak edərək, ərazilərin mina və digər partlayıcı sursatların təmizlənməsi
əməliyyatlarına öz töhfələrini verirlər.
Bizim.Media
- A-
- A
- A+
Cəmiyyət
04:51 / 30.11.2025
48 işsiz şəxs ANAMA-nın peşə hazırlığı kursuna cəlb edildi
Hazırda oxunan: 48 işsiz şəxs ANAMA-nın peşə hazırlığı kursuna cəlb edildi
Hazırda oxunan: 48 işsiz şəxs ANAMA-nın peşə hazırlığı kursuna cəlb edildi
583058
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
