Mingəçevirdə bıçaqlanma hadisəsi baş verib.
Bizim.Media-nın yerli bürosunun məlumatına görə, hadisə Mingəçevir şəhərində Heydər Əliyev prospektində yerləşən keçmiş məcburi köçkünlər üçün salınmış şəhərcikdə baş verib.
Məlumata görə, 36 yaşlı Ağdam rayon sakini Elvin Abbasov bıçaqlanıb. Bıçaqlanan şəxs xəstəxanaya çatdırılıb.
Hadisənin hansı şəraitdə baş verdiyi məlum deyil. Onun özünün özünə zərər verdiyi də ehtimallar arasındadır.
DİN-in Mətbuat Xidmətinin regional qrupundan Bizim.Media-nın sorğusuna cavab olaraq bildirilib ki, 36 yaşlı şəhər sakininin kəsilmiş-deşilmiş xəsarətlər alması ilə bağlı ərazi üzrə polis orqanında istintaq araşdırmaları aparılır.
Leyla Vəfadar, Bizim.Media, Mərkəzi Aran bürosu
