Suraxanı rayonunda narkotik vasitə satan şəxs saxlanılıb.
Bizim.Media xəbər verir ki, sosial şəbəkələrdə rayonun Əmircan qəsəbəsində, 84 saylı məktəbin yanında 77-PC-269 dövlət nömrə nişanlı avtomobildə narkotik vasitə satıldığı iddia edilib.
MÖVZU İLƏ BAĞLI:
Bakıda evində tiryəkxana təşkil edən qadın həbs olundu - VİDEO
Daxili İşlər Nazirliyinin (DİN) Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, 77-PC-269 dövlət nömrə nişanlı avtomobili etibarnamə əsasında idarə edən 1983-cü il təvəllüdlü Nahid Əliyev tutulub:
“Cinayət Məcəlləsinin 234.1-ci maddəsinə uyğun olaraq cinayət işi başlayıb. Hazırda istintaq hərəkətləri davam etdirilir”, - deyə E.Hacıyev əlavə edib.
Bizim.Media
