Pakistan və Əfqanıstan Dohada sülh danışıqları APARIR

Pakistan və Əfqanıstan sərhəddə bir həftə davam edən intensiv döyüşlərdən sonra Dohada ilk sülh danışıqlarını keçiriblər.

Bizim.Media xəbər verir ki, bu barədə “Reuters” məlumat yayıb.

Toqquşmalar nəticəsində hər iki tərəfdən onlarla insan həlak olub və çoxsaylı yaralılar var.

Atəşkəs rejimi uzadılıb və tərəflər müzakirələri davam etdirmək barədə razılığa gəliblər, lakin danışıqların dəqiq müddəti hələ müəyyən edilməyib.

Görüşlərdə hər iki ölkənin müdafiə nazirləri və kəşfiyyat xidmətlərinin yüksək rütbəli nümayəndələri iştirak edirlər.

Pakistan mətbuatının məlumatına görə, növbəti danışıqlar raundu 19 oktyabrda keçiriləcək və əsas diqqət silahlı qruplaşmaların Əfqanıstan ərazisindən Pakistana sızması probleminə yönələcək. Birinci raund zamanı pakistanlı rəsmilər taliblərə bildiriblər ki, belə qruplaşmaların Əfqanıstan ərazisində mövcudluğu İslamabad üçün qəbuledilməzdir.

Bizim.Media